Bos días,
Con motivo da II XORNADA DE COMEDORES ESCOLARES organizada por ARUME estades convidados o próximo sábado 21 de abril !!!
Será no colexio dos Salesianos da Coruña en horario de 16:00 a 20:00 e haberá moitísimas actividades para que os máis pequenos o pasen en grande, e poidades coñecernos mellor.
Alí estarán algúns dos nosos provedores locais, desexando ensinar un pouco máis deles dun xeito próximo e directo, para que poidades constatar o seu compromiso, ademais de empresarial, medioambiental e social. Todos eles provedores daquí, da nos terra, con proxectos de cercanía e tamén ecolóxicos.
E para os más peques temos obradorios artesáns de como facer pan, ‘chupachups’ de bizcoito, contacontos e teatro de vexetais, xogos saudables ó aire libre… sorteos e sorpresas.
A necesidade de ter que dispoñer deste servizo para conciliar horarios de traballo e familiares, ás veces non deixan espazo para poder percibir outras sensacións que forman parte, neste caso, dos que forman todo o equipo de Arume. Persoas moi sensibilizadas coa alimentación infantil e todo o que a rodea.
Así que vos esperamos a todos neste punto de encontro que axudará a mellorar a xestión dos nosos comedores e sempre có obxectivo en mente de enriquecer as relacións e fomentar unha alimentación saudable nos nenos e nenas.
VINDE COÑECERNOS!!! ESTADES CONVIDADOS!!
